Questa poesia è stata scritta nel 1999 anniversario della rivoluzione napoletana del 1799. Ho paragonato Napoli ad una donna che ha dovuto subire diverse violenze per i vari governi che si sono alternati, per i partiti, si che ancora oggi nonostante chi salga al potere cerchi di abbellirla esternamente, ma in sostanza i mali restano.
N'afflitto e sparuto Pulecenella
affacciato steve a' 'na fenestrella
e chiagneva, chiagneva....
"Napule, Napule mia
passate so' cient'anne e cient'ancora
'a quanno te chiammavo
palumella, palumella mia!
Tu sulo 'nu pucurillo te si' cagnata
e cu' prufitto abbuscato
manco te si' accunciata.
L'anema e 'o core sempe appassiunate
ma triste tiempe e malacrianza
restate songo in abbondanza.
Cu' allisciate e mazzate principi e rre
t'hanno affatturata, arrubata
e mieze na' via po' lassata,
ma tu comme sempe te si' repigliata
e lo sperpetuo da' cuollo te si' scutuliata.
E po' guerre e famme t'hanno turmentata,
tùorto e 'nfamità p''e ffeste t'hanno accunciàta!
Oh! palumella, palumella mia
'e mille teinte te si' vestuta
e dint'a 'nu viculo te si' vennuta.
Munarchia e democrazia,
òmmene 'e niente co' mane sperute
t'hanno spugliata e chiù vote furzàta.
Pochi so' chille che overamente
'o còre sincèro t'hanno rialàto.
E mo' co' duemila tra nu' poco sarrà
ancora penze a te 'mpupazzà
a fora tu pare comme riggina
ma dint'astipi panteco e ruìna.
Pe' stu' Pulecenella scunfurtato e strutto
tu nun si' chiù palumella!
Napule, pe' te, i' nun vulesse
chiagnere chiù pe' l'eternità!
Scetate palummè, sosete 'n'ata vota
e famme ridere e cantà in alleria
chino d'ammore pe' Napule mia!"
